Kola Łukašenka na vučeńniach byŭ u formie Słužby biaśpieki prezidenta
U formie achovy svajho baćki jon pakazvajecca nie pieršy raz.
Kola Łukašenka ŭ vajskovaj formie z šaŭronam Słužby biaśpieki. Fota: Belarusian Presidential Press Service via AP
Na sumiesnaj treniroŭcy jadziernych sił Biełarusi i Rasii razam z Alaksandram Łukašenkam prysutničaŭ jahony małodšy syn Kola. Toj byŭ adziety ŭ vajskovuju formu z šaŭronam Słužby biaśpieki prezidenta na plačy. Na fota vyhladaje, nibyta Kola achoŭvaje baćku.
Kola Łukašenka ŭ kiepcy na zadnim płanie. Fota: Belarusian Presidential Press Service via AP
U adzieńni z emblemaj Słužby biaśpieki Łukašenka-małodšy źjaŭlaŭsia i raniej. Naprykład, u 2024 hodzie padčas vizitu ŭ Manholiju — jon byŭ u firmovaj majcy koleru chaki.
Mikałaj z baćkam u Manholii ŭ 2024 hodzie
Ci nie pracuje Kola ŭ Słužbie biaśpieki baćki? Takoje pytańnie vyklikaje nie tolki jaho adzieńnie, ale i pavodziny padčas niekatorych pajezdak Łukašenki-starejšaha, kali Kola razam ź inšymi achoŭnikami idzie za im zzadu, azirajučysia.
«Syn Alaksandra Łukašenki Mikałaj byŭ bližej da supracoŭnikaŭ słužby biaśpieki, čym da žurnalistaŭ», — zaŭvažaŭ letapisiec Pucina Andrej Kaleśnikaŭ z rasijskaha «Kamiersanta», kali ŭ 2025‑m Łukašenka pryjechaŭ na pieramovy da Pucina ŭ Kreml.