U centry Vilni biełarusy praviali mitynh i nahadali pra tych, chto zastajecca za kratami FOTA
Kab začytać śpis usich palitviaźniaŭ, spatrebiłasia bolš za hadzinu.
Fota tut i dalej: «Naša Niva»
Na Kafiedralnaj płoščy ŭ Vilni 21 traŭnia prajšła vystava i mitynh, pryśviečanyja Dniu salidarnaści ź biełaruskimi palitviaźniami.
Biełarusy Litvy, byłyja palitviaźni, aktyvisty sabralisia, kab nahadać: za kratami ŭ Biełarusi pa-raniejšamu zastajucca ludzi, asudžanyja za svaje pierakanańni, hramadzianskuju pazicyju, žurnalisckuju pracu i prava havaryć svabodna.
Na płoščy začytvaŭsia śpis usich biełaruskich palitviaźniaŭ, jakija zaraz znachodziacca za kratami, ź ich terminami. Kab pieraličyć usich, spatrebiłasia bolš za hadzinu. Asobna stajali partrety zahinułych za kratami palitviaźniaŭ.
Na płoščy razharnuli vialiki bieł-čyrvona-bieły ściah.
Data akcyi nievypadkovaja. Roŭna piać hadoŭ tamu ŭ škłoŭskaj kałonii zahinuŭ palitviazień Vitold Ašurak.
Na vialikaj raściažcy raźmieščanyja partrety biełaruskich palitviaźniaŭ. Minaki padychodzili i razhladali ich.
Z samaha dnia na płoščy pracavała vystava mastackich rabot, stvoranych byłymi palitviaźniami i biełaruskimi mastakami.
Častka karcin i malunkaŭ była zroblena niepasredna ŭ turmach i kałonijach.
Siarod aŭtaraŭ — Pavieł Sieviaryniec, Andrej Vojnič, Anatol Chinievič, Volha Jakuboŭskaja, Ksiša Anhiełava, a taksama ananimnyja aŭtary, jakija nie mohuć adkryta nazyvać svaje imiony.
Turemnyja malunki byłoha palitviaźnia i palityka Paŭła Sieviarynca.
Akcyja źviartała na siabie ŭvahu minakoŭ, naprykład tych, chto prabiahaŭ pobač.