Zialenski jašče raz papiaredziŭ Łukašenku pra nastupstvy ŭstupleńnia ŭ vajnu
21 maja padčas pracoŭnaj pajezdki ŭ Słavucič na poŭnačy Kijeŭskaj vobłaści, niedaloka ad miažy ź Biełaruśsiu, prezident Ukrainy Uładzimir Zialenski zapisaŭ videa. U im jon papiaredziŭ «faktyčnaje kiraŭnictva Biełarusi», što padtrymka Rasii ŭ jaje sprobach pravieści novuju ataku na Ukrainu z poŭnačy budzie mieć svaje nastupstvy.
Uładzimir Zialenski. Skrynšot ź videa
«U nas jość mahčymaść uzmacnić našu abaronu. My taksama majem mahčymaść dziejničać previentyŭna ŭ dačynieńni da rasijskaj terytoryi, adkul mohuć zychodzić pahrozy, i ŭ dačynieńni da faktyčnaha kiraŭnictva Biełarusi, jakoje pavinna być u tonusie — heta značyć, vyrazna razumieć, što buduć nastupstvy, kali buduć ździejśnienyja ahresiŭnyja dziejańni suprać Ukrainy, suprać našaha naroda.
My pamiatajem, što ŭ 2022 hodzie nastupleńnie išło i z terytoryi Biełarusi taksama. My hetaha nie zabudziem. Siły abarony Ukrainy, Siły biaśpieki i našy śpiecsłužby viedajuć, u čym pahrozy i jak reahavać — jak reahavać spraviadliva, biez sumnievaŭ», — zajaviŭ Zialenski.
Čytajcie taksama:
Łukašenka zajaviŭ pra hatoŭnaść pryjechać u Kijeŭ
Pačałasia sumiesnaja treniroŭka jadziernych sił Biełarusi i Rasii