Tramp zajaviŭ pra adpraŭku ŭ Polšču piaci tysiač amierykanskich vajskoŭcaŭ
Raniej paviedamlałasia, što amierykanskija vajskoŭcy admianili adpraŭku bolš jak 4 tysiač sałdat u Polšču.
Fota: Sean Gallup/Getty Images
Prezident ZŠA abviaściŭ pra pierakidku ŭ Polšču dadatkovaha kantynhientu kolkaściu 5 tysiač amierykanskich vajskoŭcaŭ
«U suviazi z paśpiachovymi vybarami ciapierašniaha prezidenta Karala Naŭrockaha jakoha ja z honaram padtrymaŭ, a taksama ŭ suviazi z našymi adnosinami ź im, ja rady abviaścić, što ZŠA nakiroŭvajuć dadatkovyja 5 000 vajskoŭcaŭ u Polšču», — napisaŭ Tramp u svajoj sacsietcy Truth Social.
Raniej paviedamlałasia, što amierykanskija vajskoŭcy admianili adpraŭku bolš jak 4 tysiač sałdat u Polšču. Havorka išła pra 2‑iu braniatankavuju bryhadnuju bajavuju hrupu 1‑j kavaleryjskaj dyvizii i spadarožnuju techniku.
Pradstaŭnik armii ZŠA paćvierdziŭ Defense News admienu razhortvańnia, nie ŭdajučysia ŭ padrabiaznaści, i pieranakiravaŭ pytańni ŭ Pientahon. Pry hetym 12 maja na biudžetnych słuchańniach u Kanhresie ni ministr armii Den Dryskał, ni namieśnik načalnika štaba hienierał Krystafier Łaniŭ pra admienu nie zhadvali.