Zapusk rakiety Starship Iłana Maska pieranieśli na siońnia z-za niepaładak na starcie
Advarotny adlik času da zapusku, jaki pavinien byŭ adbycca ŭ čaćvier, 21 maja, u 90‑chvilinnaje akno, z kasmadroma Starbase u Techasie, niekalki razoŭ spyniaŭsia.
Fota: Brandon Bell/Getty Images
U vyniku było vyrašana pieranieści jaho na sutki, paviedamiła kampanija SpaceX.
Hety palot stanie 12‑m dla Starship i ŭ cełym budzie padobny da papiarednich — subarbitalny palot, jaki zavieršycca kantralavanym pryvadnieńniem u akijanie rakiety-nośbita Super Heavy i vierchniaj stupieni Ship.
Adnak aparat, jaki vykarystoŭvajecca, davoli mocna madyfikavany, i SpaceX uskładaje na jaho vialikija nadziei.