Čaćviortaja šylda za 2,5 hoda. Na miescy Green u «Łošycy» adčyniłasia novaja sietkavaja krama
Na Ihumienskim trakcie, 11 adkryŭsia mahazin tavaraŭ dla budaŭnictva i ramontu OMA.
Cikavaść hetaj historyi ŭ tym, što za apošnija niekalki hadoŭ heta ŭžo čaćviorty sietkavy mahazin u adnym i tym ža budynku, piša Blizko.by.
Mahazin na skryžavańni Ihumienskaha trakta, a taksama vulic Paŭła Špileŭskaha i Stanisłava Maniuški na praciahu dziasiatka hadoŭ zajmaŭ sietkavy apieratar «Vitalur».
U śniežni 2023 hoda na jaho miescy adkryŭsia mahazin sietki «Santa». Ale ŭžo ŭ siaredzinie krasavika 2024 hoda zamiest «Santy» adkryŭsia mahazin Green.
Green pracavaŭ da pieršaha tydnia studzienia 2026 hoda, paśla čaho zakryŭsia, i voś na minułym tydni na jaho miescy adkryŭsia budaŭničy mahazin sietki OMA.
Takim čynam, usiaho za dva z pałovaj hady źmianilisia ŭžo čatyry handlovyja sietki.