«Voś ja i trapiłasia». Minčanka straciła 600 rubloŭ na papularnaj schiemie machlarstva
Jana pieraličyła 600 rubloŭ machlaram, jakija pradavali dačnuju meblu praz Instagram.
Jana ŭbačyła rekłamu pryhožaj mebli pa pryvabnaj canie ŭ akaŭncie, jaki vyhladaŭ jak zvyčajnaja krama z vodhukami i aktyŭnaj aŭdytoryjaj, piša Onliner.by.
Paźniej joj prapanavali pierajści ŭ Telegram, kab aformić zakaz.
— U Instagram była rekłama pryhožaj mebli z mnostvam vodhukaŭ i pryvabnaj canoj. Voś ja i trapiłasia.
Pakupnicy dasłali rekvizity dla apłaty i pierakanali jaje ŭ tym, što krama pracuje aficyjna: pakazali čužoje paśviedčańnie ab rehistracyi IP.
Paśla pieravodu hrošaj pradaviec pierastaŭ vychodzić na suviaź. Paźniej akaŭnt u Instagram byŭ vydaleny, adnak, pa słovach paciarpiełaj, telehram-hrupa praciahvaje pracavać.