U Breście pastaviać ekśpierymientalnyja ŠI-śviatłafory
U Breście płanujuć ustalavać «razumnyja» śviatłafory z vykarystańniem štučnaha intelektu, kab zmahacca z darožnymi zatorami. Havorka idzie pra skryžavańnie vulic Maskoŭskaj i Pijanierskaj, dzie časta ŭźnikajuć korki, piša «Briestskij viestnik».
Zdymak ilustracyjny. Fota: «Briestskij viestnik»
Novaja sistema budzie pracavać u režymie realnaha času: kamiery i datčyki buduć fiksavać, kolki aŭtamabilaŭ znachodzicca na kožnaj pałasie, i pieradavać hetyja danyja ŭ prahramu z elemientami štučnaha intelektu.
Na padstavie hetaj infarmacyi sistema sama budzie rehulavać śviatłafor. Naprykład, kali na adnym z napramkaŭ utvaryŭsia zator, zialonaje śviatło tam budzie hareć daŭžej, kab chutčej razhruzić darohu. Takim čynam płanujecca skaracić čas čakańnia i źmienšyć kolkaść korkaŭ.
Haradskija ŭłady adznačajuć, što heta tolki častka bolš šyrokaj pracy dla palapšeńnia transpartnaj situacyi. Vialikuju rolu pavinna adyhrać taksama adkryćcio novaha mosta na bulvary Šaŭčenki, jaki voźmie na siabie častku transpartnaha patoku i razhruzić centr horada.
Dakładnaja data zapusku razumnych śviatłaforaŭ pakul nie paviedamlajecca, ale sistemu ŭžo pačali ŭkaraniać u miežach prahramy «Razumny horad». Kali hety piłotny prajekt pakaža dobry vynik, takija śviatłafory mohuć źjavicca i ŭ inšych haradach Biełarusi.
Čytajcie taksama:
«A kudy padzielisia śmietnicy ŭ Minsku?» Kamunalniki prakamientavali skarhi
U Minsku stali pieranosić tramvajnaje kalco z DS «Voziera» bližej da centra