U Minsku płanujuć zvužać prajeznuju častku na asobnych učastkach daroh, asabliva kala piešachodnych pierachodaŭ bieź śviatłaforaŭ. Takija źmieny zakranuć nie tolki haradskija vulicy, ale i dvarovyja terytoryi, paviedamlaje BiełTA sa spasyłkaj na namieśnika načalnika UDAI HUUS Minskaha harvykankama Dzianisa Livanoviča.
Heta robicca dla taho, kab źmienšyć chutkaść ruchu i pavysić biaśpieku piešachodaŭ. Paśla zvužeńnia darohi kiroŭcam budzie praściej zaŭvažyć čałavieka, jaki vychodzić na pierachod, i pryparkavanyja mašyny nie buduć tak pieraškadžać ahladu.
U pieršuju čarhu takija miery płanujuć uvodzić u spalnych rajonach, dzie šmat žycharoŭ i nie chapaje parkovačnych miescaŭ. Tam aŭtamabili časta pakidajuć uzdoŭž daroh, što ŭskładniaje ruch.
Akramia taho, zvužeńni mohuć źjavicca ŭ dvarach kala dziciačych placovak i pobač sa škołami. U niekatorych miescach zamiest hetaha buduć rabić štučnyja niaroŭnaści, kab prymusić kiroŭcaŭ źnižać chutkaść.
Ciapier čytajuć
Na Minskim paŭmarafonie pamior 50‑hadovy biahun. Voś što viadoma pra Alaksieja Dašynieviča12
Kamientary