Na Staravilenskim trakcie ŭ Minsku pamianiali schiemu ruchu
U Minsku na Staravilenskim trakcie časova pamianiali arhanizacyju ruchu transpartu z-za ramontnych rabot. Źmieny pačali dziejničać ź viečara 22 maja (z 23:00) i zakranuli ŭčastak darohi pamiž vulicaj Navavilenskaj i padjezdam da doma №11.
U vyniku źmienaŭ ruch transpartu pieraniesieny na adzin bok prajeznaj častki. Zamiest dźviuch pałos u kožnym napramku ciapier zastałasia tolki adna pałasa.
Takija abmiežavańni ŭviedzieny ŭ suviazi z pačatkam pieršaha etapu maštabnaj rekanstrukcyi. U miežach prajekta płanujecca pašyryć mahistral, a taksama pieranieści razvarotnaje koła dla tramvajaŭ bližej da Pałaca dziaciej i moładzi.
Kiroŭcaŭ prosiać zahadzia ŭličvać hetyja źmieny, płanavać maršruty i pa mahčymaści vybirać abjaznyja šlachi.
Pavodle infarmacyi DAI, pieršy etap rabot płanujuć zaviaršyć da pačatku lipienia.
Čytajcie taksama:
Z paniadziełka ŭ Minsku pačnuć adklučać haračuju vadu
U Minsku stali pieranosić tramvajnaje kalco z DS «Voziera» bližej da centra
Pieršaja čarha kalcavoj linii minskaha mietrapalitena dojdzie tolki da Viaśnianki