Raspracavany prajekt pašyreńnia ŭčastka Daŭhinaŭskaha trakta ŭ Minsku ad zavułka Čarviakova ŭ bok Staravilenskaha trakta. Pra heta paviedamiŭ kiraŭnik administracyi Centralnaha rajona Valeryj Varanicki, pišuć Minsk-naviny.
— Raspracavany adpaviedny prajekt. My padzialili jaho na try etapy. Zaraz prystupili da pieršaha: pieranosicca razvarotnaje koła tramvajaŭ. Da kanca hoda jaho zavieršym i paralelna budziem pracavać nad druhim i trecim etapami. U płanach — pravieści rekanstrukcyju hetaha ŭčastka vulična-darožnaj sietki da kanca nastupnaha hoda, — adznačyŭ Varanicki.
U hetaj ža častcy rajona iduć pašyreńnie i rekanstrukcyja vulicy Karastajanavaj z praciaham jaje da MKAD. Adzin učastak užo ŭviedzieny ŭ ekspłuatacyju. Usie raboty płanujecca zaviaršyć u nastupnym hodzie. Hetyja miery zdymuć transpartnuju nahruzku z napramku ŭ bok mikrarajona Paŭnočny.
— Akramia taho, aktyŭnymi tempami ŭ horadzie viadziecca budaŭnictva mietro (u pryvatnaści, stancyi treciaj linii na płoščy Banhałor, kala parku Družby narodaŭ). Zaraz prajektujecca čaćviortaja vietka, praduhledžvajecca budaŭnictva dźviuch stancyj na vulicy Arłoŭskaj. Z ulikam rekanstrukcyi Daŭhinaŭskaha trakta ludziam budzie zručna dabiracca da mietro, — dadaŭ kiraŭnik administracyi Centralnaha rajona.
Kamientary
Dołhinovskij trakt idiot mimo pierieułka Čierviakova do uł.Orłovskoj!
Vy tam pieriedajtie etomu činušie, čtoby kartu, łapoť, kupił!
I sam Daŭhinaŭski dalej u bok Navinak.
Pracy ŭžo iduć.
Raniej nakrucili z traktami, zabudavali histaryčnyja napramki. Zaraz sprabujuć prabić iznoŭ, nie zaŭsiody na starych miescach.