42‑hadovaha žychara Michanavičaŭ adpravili za kraty — vierahodna, za Hajuna. Jon pracavaŭ na vytvorčaści buravoha instrumienta
Dźmitryja Žuka sudzili za «sadziejničańnie ekstremisckaj dziejnaści». Anłajn paśla prysudu jon tak i nie źjaviŭsia.
Dźmitryj Žuk. Fota ź jahonaj staronki «Ukantakcie»
Dźmitryju Žuku 42 hady. Jon žyŭ u ahraharadku Michanavičy pad Minskam, hadavaŭ dzicia i pracavaŭ na vytvorčaści buravoha instrumienta TAA «Vielis Junijon».
Niadaŭna jaho sudzili ŭ Minskim abłasnym sudzie.
Mužčynu pryznali vinavatym pavodle častak 1 i 2 artykuła 361‑4 Kryminalnaha kodeksa («sadziejničańnie ekstremisckaj dziejnaści») i, padobna, adpravili adbyvać pakarańnie ŭ kałoniju. Chutčej za ŭsio, pieraśled źviazany sa spravaj Hajuna.
Čytajcie taksama:
Što viadoma pra eks-aficera Słužby biaśpieki Łukašenki Andreja Spasava, jakoha pasadzili za palityku
Biełaruskaha biznesmiena, jaki žyŭ u Łatvii, asudzili pa spravie Hajuna