Vučyč dapuściŭ mahčymaść chutkaj adstaŭki
Prezident Sierbii paviedamiŭ, što termin jahonych paŭnamoctvaŭ zakančvajecca i jon moža pajści ŭ adstaŭku. Zajavu sierbskaha lidara pieradaje N1.
Alaksandr Vučyč. Fota: AP Photo / Darko Vojinovic
«Mahčyma, ja chutka pajdu ŭ adstaŭku», — skazaŭ jon.
Alaksandr Vučyč adznačyŭ, što nie źbirajecca skaračać svoj prezidencki termin, jak kaliści heta zrabiŭ były prezident krainy Barys Tadzič «ź biessensoŭnaj farmuloŭkaj, bo ty albo sychodziš u adstaŭku, albo zastaješsia prezidentam da kanca terminu».
Vučyč staŭ prezidentam Sierbii 31 maja 2017 hoda. Jaho pieraabrali ŭ krasaviku 2022 hoda, druhi termin pačaŭsia ŭ traŭni 2022 hoda. Ciapierašniaje prezidenctva pavinna zaviaršycca 31 maja 2027 hoda. Zhodna z Kanstytucyjaj Sierbii, adna asoba moža być abranaja prezidentam nie bolš za dva razy.
Zaraz Vučyč naviedvaje Piekin.