Prezident Finlandyi zajaviŭ, što hatovy stać pradstaŭnikom ES na mirnych pieramovach z Rasijaj
Razam z tym Alaksandr Stub padkreśliŭ, što vieści takija pieramovy jon hatovy tolki paśla taho, jak Rasija pahodzicca na pieramirje.
Alaksandr Stub. Fota: AP Photo/Thomas Padilla
Prezident Finlandyi Alaksandr Stub zajaviŭ u niadzielu pra svaju hatoŭnaść stać pradstaŭnikom jeŭrapiejcaŭ na patencyjnych mirnych pieramovach z Rasijaj, piša «Ukrainskaja praŭda».
«Kali mianie spytajuć (pra hatoŭnaść stać pieramoŭščykam), to heta, napeŭna, toje pytańnie, na jakoje nielha adkazać admoŭna».
Razam z tym Alaksandr Stub padkreśliŭ, što vieści takija pieramovy jon hatovy tolki paśla taho, jak Rasija pahodzicca na pieramirje.
Uładzimir Zialenski ŭ mai zajaviŭ, što Jeŭropa pavinna mieć ułasnaha pradstaŭnika na mirnych pieramovach z Rasijaj. Finski prezident adznačyŭ, što hatovy vykanać takuju rolu, kali jaho paprosiać.
Raniej ŚMI paviedamlali, što ŭ Jeŭrasajuzie razhladajuć kandydatury byłoj kanclerki Hiermanii Anhieły Mierkiel, byłoha premjer-ministra Italii Marya Drahi i Alaksandra Stuba na rolu pieramoŭščyka ad ES.