«Arešnikaŭ» było dva. Adzin ź ich upaŭ na terytoryi «DNR»
U noč na 24 maja było dva zapuski «Arešnika». Adzin udaryŭ pa haražnym kaapieratyvie ŭ Biełaj Carkvie pad Kijevam. Inšy, mierkavana, trapiŭ pa akupavanaj terytoryi na poŭnač ad Daniecka.
Videa zafiksavała adna z danieckich kamier nazirańnia.
KibierBarošna praviali hieałakacyju i paćvierdzili punkt zdymki: heta rajon hipiermarkieta «Ašan» i niedabudavanaha HC Rose Park na kalcavoj darozie pamiž Danieckam i Makiejeŭkaj.
Dakładnaje miesca traplańnia «Arešnika» pa hetych kadrach vyznačyć niemahčyma.
Jakoj była meta «Arešnika» i čamu jon trapiŭ pa akupavanaj terytoryi, taksama nieviadoma. Ad Daniecka da linii frontu kala 50 km. Ci całkam «Arešnik» źbiŭsia z kursu, ci adchiliŭsia ad mety tolki na niekalki kiłamietraŭ — pakul heta tolki zdahadki, patrebna bolš infarmacyi.