MARH pryznała nieetyčnaj rekłamu šaŭrmy: «abiasceńvaje žyćcio žyvoj istoty»
Malunak z vyjavaj kurycy i naža, a taksama słovami pra žyćciovaje pryznačeńnie kuraniaci MARH zapatrabavała prybrać.
Ilustracyjny zdymak. Fota: vecteezy.com
Ministerstva antymanapolnaha rehulavańnia i handlu vyniesła pradpisańnie TAA «ArnivaBieł» za raspaŭsiud nienaležnaj vonkavaj rekłamy abjekta hramadskaha charčavańnia «Šaŭrma».
Na rekłamnym płakacie ŭ Minsku byli źmieščany vyjava kurycy i naža, a taksama słohan: «Jon vyłupiŭsia nie dla žyćcia, a dla idealnaj šaŭrmy».
«Rekłama parušaje ahulnapryniatyja normy marali, bo abiasceńvaje žyćcio žyvoj istoty, parušajučy pryncypy humannaści, i ŭ siłu patrabavańniaŭ zakanadaŭstva ab rekłamie źjaŭlajecca nieetyčnaj», — reziumavaŭ MARH.
Viedamstva zahadała likvidavać parušeńnie.