U Breście abmiažujuć ruch na moście cieraz Muchaviec
U Breście časova abmiažujuć ruch transpartu pa moście praz Muchaviec na vulicy 28 Lipienia. Pryčyna — darožnyja raboty: na hetym učastku buduć układvać novaje asfaltabietonnaje pakryćcio.
Fota: t.me/brestgik
Ramont užo pačaŭsia 25 maja i praciahniecca da 29 maja. Zaviaršyć jaho płanujuć da 18:00.
Na čas rabot krajnija pałasy ŭ abodvuch napramkach buduć zakrytyja, tamu ruch moža być uskładnieny, asabliva ŭ hadziny pik. Ułady papiaredžvajuć pra mahčymyja zatory i rajać zahadzia płanavać maršruty abjezdu, karystajučysia inšymi mastami i asnoŭnymi vulicami horada.
U hety samy čas ŭ Breście praciahvajecca rekanstrukcyja jašče adnaho mosta praz Muchaviec — pamiž bulvaram Šaŭčenki i Varšaŭskaj šašoj. Tam ciapier budujuć novuju častku pierapravy, paśla čaho staruju kanstrukcyju raźbiaruć i ŭźviaduć druhuju častku mosta.
Haradskija ŭłady paprasili prabačeńnia ŭ kiroŭcaŭ za časovyja niazručnaści.
Čytajcie taksama:
Kala hihanckaha zubra na trasie M1 adkryjuć kaviarniu z tatarskaj kuchniaj