U Dziaržynskim rajonie našeście daŭhanosikaŭ. «U dom ni zajści, ni vyjści!»
Ciopłaje nadvorje zhulała z žycharami niekalkich viosak Dziaržynskaha rajona złyja žarty. Ich učastki masava atakavali žuki-daŭhanosiki. Adna z karystalnic tyktoka raskazała, što prablema zakranuła nasielenyja punkty Dabryniova, Rečki i Skvarcy, piša Tochka.by.
Skrynšot ź videa
«Voś tak pačynajecca kožnaja ranica. Idzieš i źbiraješ hetych žukoŭ, tamu što jany ablaplajuć litaralna ŭsio — u dom ni zajści, ni vyjści», — paskardziłasia biełaruska i prademanstravała «ŭradžaj» žukoŭ i maštaby biady.
Pavodle jaje słoŭ, škodniki ablapili ścieny damoŭ i paleźli ŭsiaredzinu paśla apracoŭki niedalokich paloŭ. Daŭhanosiki ciapier atakujuć kłubnicy, maliny, ažyny i kvietki.
Žančyna adznačaje, što kramnyja preparaty suprać žukoŭ akazalisia małaefiektyŭnymi. Uładad́niki ž paloŭ, adkul pryjšli nasiakomyja, razvodziać rukami i rekamiendujuć spraŭlacca samastojna.
U kamientaryjach karystalniki pisali roznaje: adnyja žachajucca ad maštabaŭ, inšyja a dzielacca svaimi mietadami baraćby z žukami abo rajać zavieści kurej.
Žukoŭ-daŭhanosikaŭ u našych šyrotach, darečy, niekalki dziasiatkaŭ vidaŭ. Suprać ich vykarystoŭvajuć ahratechniku, narodnyja srodki (nastoi harčycy, pałynu, pasadku cybuli i časnaku), bijapreparaty nakštałt «Fitavierma» abo chimiju («Aktara», «Karbafos»), jakuju prymianiajuć da ćvicieńnia abo paśla zboru ŭradžaju.
Čytajcie taksama:
«Chruščy lezuć u vokny i ablaplajuć lichtary». Navukoŭcy patłumačyli ich našeście
U Biełarusi źjaviŭsia niebiaśpiečny škodnik, jaki niščyć drevy