U Połacku chłopčyka mocna ŭdaryła tokam
U Połacku 12‑hadovy padletak atrymaŭ elektratraŭmu na terytoryi transfarmatarnaj padstancyi, paviedamiŭ Śledčy kamitet. Incydent adbyŭsia dniom 24 maja.
Fota: Śledčy kamitet
Čaćviora padletkaŭ znachodzilisia kala abjekta elektrazabieśpiačeńnia. U niejki momant adzin ź ich zalez na elektryčnyja ŭstanoŭki, jakija znachodziacca pad napružańniem. Kali jon spuskaŭsia, to dakranuŭsia da provada i atrymaŭ udar tokam.
Chłopčyka terminova špitalizavali, jamu akazvajuć nieabchodnuju miedycynskuju dapamohu.
U Śledčym kamitecie nahadali, što abjekty elektrasietak vielmi niebiaśpiečnyja. Padychodzić da ich, dakranacca da pravadoŭ abo leźci za aharodžu stroha zabaroniena, bo heta moža pryvieści da ciažkich traŭmaŭ abo hibieli.
Baćkoŭ zaklikajuć tłumačyć dzieciam praviły biaśpieki i nie dapuskać ich znachodžańnia kala padstancyj, linij elektrapieradačy i inšych padobnych abjektaŭ.