Prezident Irana rasparadziŭsia viarnuć dostup da internetu paśla trochmiesiačnaha adklučeńnia
Ukaz Piezieškijana budzie vykanany ciaham najbližejšych sutak.
Masud Piezieškijan. Fota: Iranian Presidency / Anadolu via Getty Images
Prezident Irana Masud Piezieškijan daručyŭ Ministerstvu suviazi Isłamskaj Respubliki viarnuć dostup da mižnarodnaha internetu ŭ krainie, paviedamili ahienctvy Fars i Tasnim.
Kiraŭnik aparatu iranskaha ŭrada Ali Achmadnija paćvierdziŭ heta, adznačyŭšy, što za adnaŭleńnie internetu na pasiadžeńni 25 maja prahałasavali ŭsie členy kabinieta ministraŭ. Jak piša ISNA, ukaz Piezieškijana budzie vykanany ciaham najbližejšych sutak.
Pavodle danych manitorynhavaha prajekta NetBlocks, na 25 maja internet u Iranie adsutničaŭ 87 dzion. Heta samaje praciahłaje ahulnanacyjanalnaje adklučeńnie internetu za ŭsiu historyju nazirańniaŭ u luboj krainie, adznačaŭ prajekt.
Dostup da hłabalnaj sietki ŭ Iranie źnik u pieršy dzień vajny z ZŠA i Izrailem, jakaja pačałasia 28 lutaha. Pry hetym jašče da vajennych dziejańniaŭ u krainie adklučali internet. Padstavaj dla hetaha stali masavyja akcyi pratestu z-za paharšeńnia ekanamičnaj situacyi.
Čytajcie taksama:
Iran zaklikaŭ rychtavacca da nafty pa $200 za baral paśla ŭdaraŭ ZŠA
Iran nibyta hatovy vyvieźci svoj uzbahačany ŭran. Ale tolki ŭ Kitaj