Alfa-Bank vypuściŭ marožanaje. Smak niezvyčajny
Alfa-Bank i brend Jattis pradstavili sumiesny pradukt — maroziva RED. Jano ŭžo źjaviłasia ŭ kramach.
Kiraŭnica adździeła markietynhu STAA «Inhman marožanaje» Ina Kurzienkava raskazała, što heta pieršaja ŭ Biełarusi kałabaracyja fintechu i brenda marožanaha. Pavodle jaje słoŭ, smak u novaha praduktu niezvyčajny i spałučaje ŭ sabie malinu i pierac čyli, piša Myfin.
Dyrektarka pa markietynhu i rekłamie Alfa-Banka Natalla Suvorava padziakavała kamandzie Jattis za śmiełaść, adznačyŭšy, što nie kožny vytvorca maroziva advažycca na kałabaracyju z bankam.
Marožanaje RED užo možna znajści ŭ kramach sietak «Susiedzi», Fixprice, «Hryn» i «Karona».
STAA «Inhman marožanaje» — heta bujny biełaruski vytvorca małočnych praduktaŭ i marožanaha, adnym z asnoŭnych brendaŭ jakoha i źjaŭlajecca Jattis. Pradpryjemstva raźmieščana ŭ Homieli i pieršapačatkova było źviazana ź finskim kancernam Ingman Ice Cream.