U Minsku mužčyna źbiŭ inšaziemku ŭ pierachodzie mietro
U žychara Baranavičaŭ byŭ kiepski nastroj, a jana nie viedała ruskaj movy.
Incydent adbyŭsia ŭ padziemnym pierachodzie stancyi mietro «Instytut kultury», dzie zamiežnica čakała svaju pryjacielku. Da jaje padyšoŭ niećviarozy mužčyna i pačaŭ niešta pytacca. Dziaŭčyna adkazała na francuzskaj movie — ni ruskaj, ni biełaruskaj jana nie vałodała, pišuć «Minsk-Naviny».
Dziaŭčyna źbirałasia syści, adnak u hety momant atrymała ŭdar u śpinu. Paśla hetaha mužčyna schapiŭ jaje za ruku i ŭdaryŭ u žyvot.
Akazałasia, što napadnik — 46‑hadovy žychar Baranavičaŭ, jaki pracuje kiroŭcam pahruzčyka. Jaho zatrymali. U sudzie mužčyna patłumačyŭ svaje dziejańni kiepskim nastrojem: jon pryjechaŭ u Minsk kupić aŭtamabil, ale pa darozie zhubiŭ mabilny telefon.
Za chulihanstva sud pryznačyŭ jamu pakarańnie ŭ vyhladzie adnaho miesiaca aryštu. Akramia taho, mužčynu pryznačyli prymusovaje lačeńnie ad chraničnaha ałkahalizmu.