U Homieli bajkier tak tarmaziŭ na čyrvonaje śviatło, što katapultavaŭsia z matacykła VIDEA
U Homieli ŭ minułuju niadzielu, 24 maja, na praśpiekcie Lenina adbyłosia DTZ z udziełam matacyklista, žachlivaje videa jakoha apublikavała DAI.
Pavodle infarmacyi DAI, 31‑hadovy kiroŭca matacykła Honda ruchaŭsia z boku vulicy Karpoviča. Mužčyna niapravilna vybraŭ chutkaść i nie ŭličyŭ dystancyju da transpartu napieradzie.
Kali na skryžavańni zaharełasia čyrvonaje śviatło, bajkier pačaŭ ekstrana tarmazić. U hety momant matacykł rezka skinuŭ svajho haspadara, i palacieŭ asobna, a sam kiroŭca kulajučysia pakaciŭsia praz usio skryžavańnie pa asfalcie.
Kiroŭcu dastavili ŭ balnicu, adnak finał historyi akazaŭsia maksimalna ščaślivym dla takich kadraŭ — surjoznych traŭmaŭ mužčyna zmoh paźbiehnuć i jaho ŭžo adpuścili dadomu na ambułatornaje lačeńnie, piša «Homielskaja praŭda».