Amierykanskaja baskietbalistka Donika Kośbi pakinuła minski kłub paśla ahladu na miažy i dopytu
Vypadak zdaryŭsia ŭ kancy 2024 hoda.
Fota: instahram Doniki Kośbi
Amierykanskaja baskietbalistka Donika Kośbi, jakaja vystupała za minski kłub «Haryzont», razarvała ź im kantrakt paśla ahladu na miažy i pieratrusu. Ciapier jana znachodzicca ŭ vyšuku, piša «Miedyjazona».
Proźvišča Doniki vydańnie znajšło ŭ rasijskaj bazie vyšuku, adnak u kartcy nie paznačana, u jakoj krainie na jaje zaviali kryminalnuju spravu — u Rasii ci Biełarusi, i pavodle jakoha artykuła. Samoj spartsmiency abstaviny spravy taksama nieviadomyja.
U 2025 hodzie jana zaviaršyła hulniavuju karjeru i ciapier pracuje pamočnicaj hałoŭnaha treniera žanočaj baskietbolnaj kamandy ŭ kamjunici-kaledžy Misisipi Hałf-Kost.
Pavodle słoŭ Kośbi, u 2024 hodzie jana viartałasia ŭ Biełaruś paśla kaladnaha adpačynku, i na miažy ŭ jaje kanfiskavali zaplečnik «dla niejkich testaŭ ci niešta takoje». Spartsmienku tady ŭsio ž upuścili ŭ Biełaruś, ale praz try tydni vyklikali na apytańnie, paśla jakoha jana pakinuła krainu.
«Da mianie stavilisia jak da złačyncy ci niešta takoje, kali ja pierasiakała miažu. Šukali choć jakuju-niebudź pryčynu, kab mianie aryštavać, tamu ja nie ździŭlenaja», — raskazała baskietbalistka.