Pa-biełarusku vyjšła kniha vieršavanych afaryzmaŭ Budy
Vydaviectva Rozum.Media paviedamiła pra vychad pieršaha biełaruskaha vydańnia zbornika vieršavanych afaryzmaŭ «Dhammapada», aŭtarstva jakich prypisvajecca zasnavalniku budyzmu Budu Šakjamuni.
Na biełaruskuju movu knihu pierakłaŭ paet i budyst Maks Ščur pavodle dasłoŭnaha anhlijskaha padradkoŭnika z hramatyčnym razboram aryhinału, dastupnaha anłajn u NTU Digital Library of Buddhist Studies, piša bellit.info.
«Dhammapada», napisanaja na movie Pali, naležyć da samych papularnych knih Typitaki — palijskaha kanonu budyzmu. Pieradavanyja vusna z pakaleńnia ŭ pakaleńnie, Budavy prynahodnyja vieršavanyja vysłoŭi adlustroŭvajuć asnoŭnyja pryncypy jahonaha vučeńnia i tyčacca adviečnych čałaviečych temaŭ, takich jak staraść, ščaście, hnieŭ, prahnaść, zahana, cnota dy inš.
Hetaja kniha — sproba pieradać pa-biełarusku staražytnuju mudraść, jakaja praz stahodździ praciahvaje havaryć z čałaviekam pra bol, spakoj, strach, volu, śviadomaść i šlach da ŭnutranaj raŭnavahi.
Knihu možna nabyć praz sajt vydaviectva Rozum.media.
Raniej, u 2012 hodzie «Dhammapadu» pierakładaŭ Siarhiej Kalejeŭ, ale asobnaj knihaj pierakład nie vychodziŭ.