Čakajucca źmieny ŭ raskładzie na čyhunačnaj linii Minsk — Baranavičy — Brest

Biełaruskaja čyhunka časova źmienić raskład ruchu ciahnikoŭ i admienić niekatoryja rejsy na napramku Minsk — Baranavičy — Brest. Źmieny buduć dziejničać z 8 pa 11 červienia. Jany źviazanyja z płanavym ramontam čyhunačnaha mosta na ŭčastku Fanipal — Kojdanava.

Zdymak ilustracyjny. Fota z sacsietak

U hety pieryjad:

• ciahniki mižnarodnych, mižrehijanalnych i rehijanalnych linij buduć chadzić pa źmienienym raskładzie;
• častka rejsaŭ budzie całkam admieniena.

Naprykład, 8 i 10 červienia nie budzie ciahnika №733 Minsk — Brest. Zamiest jaho pryznačać inšy — №607, jaki budzie adpraŭlacca ź Minska ŭ druhoj pałovie dnia i prybyvać u Brest uviečary.

Taksama na ŭčastku Minsk — Baranavičy źmienicca raskład rehijanalnych ciahnikoŭ ekanomkłasa.

Pasažyraŭ prosiać zahadzia praviarać raskład i ŭličvać hetyja źmieny pry płanavańni pajezdak. Bolš padrabiaznuju infarmacyju možna atrymać na sajcie BČ, u mabilnym dadatku abo pa telefonie daviedki.

Kamientary da artykuła