MAZ pakazaŭ svoj novy pryharadny aŭtobus

MAZ pradstaviŭ novy pryharadny aŭtobus madeli 303147, jaki pryznačany dla maršrutaŭ ź vialikaj kolkaściu pasažyraŭ. Jon spałučaje nizkuju padłohu, jak u haradskim transparcie, i kamfort, patrebny dla pajezdak za horad, piša «Anłajnier».

Aŭtobus abstalavany ruchavikom ekałahičnaha kłasa «Jeŭra-5» mahutnaściu kala 294 konskich sił i aŭtamatyčnaj karobkaj pieradač na šeść stupieniaŭ.

U sałonie praduhledžana 35 miescaŭ dla siadzieńnia, častka ź ich raźmieščana na nizkaj padłozie. Takaja kanstrukcyja dazvalaje chutčej zachodzić i vychodzić na prypynkach. Siadzieńni miakkija i abstalavanyja ramianiami biaśpieki, što robić pajezdku bolš zručnaj.

Aŭtobus taksama maje sučasnaje abstalavańnie: kandycyjanier, elektronnyja tabło z hukavym infarmavańniem, sistemu adkryćcia dźviarej pasažyrami, videanazirańnie i razietki dla zaradki pryład.

Dla ludziej ź invalidnaściu praduhledžanyja śpiecyjalnaja rampa i miesca dla invalidnaha vazka.

Kamientary da artykuła