Na vajnie va Ukrainie zahinuŭ minski amapaviec, jaki źbivaŭ biełarusaŭ
U kartcy ŭliku zahinułych na vajnie va Ukrainie, jakuju viadzie «Miedyjazona», znajšli imia Alaksandra Łuhaŭskoha z dataj naradžeńnia 19 śniežnia 1990 hoda, piša telehram-kanał «Vitiebsk, ja hulaju!»
U charaktarystykach paznačana, što jon «inšaziemiec» i «PVK», a zahinuŭ za dzień da svajho 31‑hodździa — 18 śniežnia 2022 hoda.
Čałaviek z dakładna takimi piersanalnymi danymi (proźvišča, imia, imia pa baćku i data naradžeńnia) utrymlivajecca ŭ bazach, jakija ŭ svoj čas viali prajekty «Dzikaje palavańnie», «luka.zone» i h. d.
Tam paznačana, što Łuhaŭski byŭ milicyjanieram-kiroŭcam 1‑j roty 3‑ha ŭzvoda AMAP HUUS Minskaha harvykankama, staršynoj milicyi:
«Prymaŭ aktyŭny ŭdzieł u padaŭleńni mirnych akcyj pratestu. Za asablivuju žorstkaść i impet atrymaŭ uchvału ad načalstva».
Čytajcie taksama:
Ukraincy nazvali ličbu biełarusaŭ, jakija vajujuć na baku Rasii, i kolki ź ich zahinuli
Samy karykaturny złodziej Słonima skončyŭ svoj šlach u miasnym šturmie na Danbasie