Machlary zahadali minčancy pryjści z usimi dakumientami da centralnaha ŭvachodu KDB
32‑hadovaj dziaŭčynie ŭ miesiendžary patelefanavaŭ niesapraŭdny supracoŭnik «Biełpošty» i paviedamiŭ pra zakazny list z padatkovaj. Kab jaho atrymać, minčanka pavinna była nazvać kod z SMS-paviedamleńnia — pačałasia zvykłaja schiema padmanu, paviedamlaje «Milicyja Minska».
Paśla hetaha na linii ŭźnikli pieraškody, i da razmovy padklučyŭsia iłžesupracoŭnik słužby biaśpieki. Nasamreč u Biełarusi niemahčyma takoje imhniennaje pieraklučeńnie telefonnych zvankoŭ pamiž roznymi arhanizacyjami, adnak žančyna pra heta nie viedała i niedapietryła.
Jon raspavioŭ, nibyta ašukancy aformili na minčanku kredyty, i ciapier jana pavinna ŭziać «lustranyja» pazyki dla ich anulavańnia.
Žančyna źviarnułasia adrazu ŭ piać bankaŭ i atrymała hatoŭkaj kala 55 tysiač rubloŭ. Usie hrošy jana adviezła ŭ Łošycki park i pieradała nieznajomaj žančynie, jakuju ličyła kurjeram Nacbanka.
Potym kuratar znoŭ źviazaŭsia ź minčankaj i pryznačyŭ joj sustreču kala centralnaha ŭvachodu ŭ budynak KDB. Paśla čaho vydaliŭ pierapisku.
Paśla jana zrazumieła, što stała achviaraj padmanu i źviarnułasia ŭ milicyju.