Premjer Litvy: Adstaŭka ciapier stała b najlepšym padarunkam našym voraham
Na zajavy apazicyi pra adsutnaść palityčnaj adkaznaści z boku ministraŭ i premjer-ministarki Inhi Ruhinienie paśla ŭciečki danych z Centra rejestraŭ kiraŭnica ŭrada śćviardžaje, što hetaj adkaznaści nie baicca.
Inha Ruhinienie. Fota: Foto Olimpik/NurPhoto via Getty Images
Adnak premjer-ministr padkreślivaje, što ciapier važna nie sychodzić u adstaŭku, a vyrašać uźnikłyja prablemy. Pavodle jaje słoŭ, adstaŭka zaraz stała b «najlepšym padarunkam voraham», piša Delfi.lt.
«My nie paźbiahajem adkaznaści. Ale siońnia vielmi važna padkreślić, što ŭrad nie pavinien uciakać ad prablem, a pavinien ich vyrašać. Lubaja adstaŭka ci padobnaje rašeńnie stali b najlepšym padarunkam našym voraham», — zajaviła Inha Ruhinienie va ŭradzie ŭ sieradu ranicaj.
Jana vystupiła paśla sustrečy ź ministram ekanomiki i inavacyj Edvinasam Hrykšasam, ministram unutranych spraŭ Uładzisłavam Kandratovičam i ministram nacyjanalnaj abarony Robiertasam Kaŭnasam. Na sustrečy abmiarkoŭvałasia situacyja z uciečkaj danych z Centru rejestraŭ, jakaja adbyłasia na minułym tydni.
Čytajcie taksama:
U Litvie adbyłasia maštabnaja ŭciečka ź dziaržaŭnaj bazy rejestraŭ. Mohuć paciarpieć i biełarusy