Vychodzić fantastyčnaja irłandskaja historyja ŭ pierakładzie Andreja Skurko
Vydaviectva Gutenberg Publisher anansavała vychad dziciačaj knihi irłandskaj aŭtarki Eryki Makhan «Tabita Plimtak žyvie na samym krai śvietu», piša bellit.info.
Kniha apaviadaje pra toje, jak kapryznyja svajaki vypraŭlajuć dziaŭčynku Tabitu štodzień uniz pa skale pa ježu i inšyja patrebnyja rečy. Ale taja hetym nie pierajmajecca: u piačorach-kišeńkach uniz pa schile žyvuć simpatyčnyja ludzi. A najmilejšy ź ich — spadar Dryhotka, što pasialiŭsia nižej za liniju cieniu. Kali ŭ vakolicach pačynajuć šyrycca čutki pra pačvar, što karaskajucca na ścianu z hłybini, mienavita pra spadara Dryhotku Tabita turbujecca najmacniej. Bo tam, unizie, chavajecca niešta pa-sapraŭdnamu hałodnaje…
Kniha maje aryhinalnyja ilustracyi Filipa Kałena.
«Tabita Plimtak žyvie na samym krai śvietu» Eryki Makhan možna ŭžo ciapier zamović praz sajt vydaviectva sa źnižkaj 20%.