Stała viadoma, kolki kaštuje zbornaja Biełarusi pa futbole

Biełaruś zajmaje 103‑je miesca ŭ śpisie samych darahich zbornych pavodle viersii papularnaha statystyčnaha partała Transfermarkt, piša Times.by.

Fota ilustracyjnaje

Košt biełaruskaj kamandy składaje 15,68 miljona jeŭra. Samym darahim hulcom źjaŭlajecca hałkipier safijskaha CSKA Fiodar Łapavuchaŭ — 2 miljony jeŭra. Na druhim miescy idzie paŭabaronca «MŁ Viciebsk» Valeryj Hramyka (1,5 miljona jeŭra). Na trecim radku raźmiaściŭsia abaronca samarskich «Kryłaŭ Savietaŭ» Kirył Piačenin (1,2 miljona jeŭra). Na čaćviortym — adnakłubnik Łapavuchava Maks Ebonh (1 miljon jeŭra).

Cikava, što zbornaja Siryi, ź jakoj biełarusy zhulajuć u Minsku 5 červienia, zajmaje ŭ hetym rejtynhu 130‑ie miesca (6,7 miljona jeŭra). A kamanda Burkina-Faso — ź joj pajadynak na Nacyjanalnym stadyjonie 9 červienia — amal u siem razoŭ daražejšaja za biełaruskuju (103,5 miljonaŭ jeŭra, 49‑ie miesca).

Na pieršym miescy zbornaja Francyi z uražlivymi 1,47 miljarda jeŭra. Śledam iduć anhličanie (1,32 miljarda jeŭra) i ispancy (1,27 miljarda jeŭra). Jašče adna kamanda-miljarder — Hiermanija (1,01 miljarda jeŭra, 4‑ia pazicyja).

Kamientary da artykuła