Pamiž Babrujskam i Mahilovam na trasu ŭpaŭ dub i zabłakavaŭ uvieś ruch

Incydent adbyŭsia ŭ Kiraŭskim rajonie: u kirunku z Babrujska ŭ bok Kiraŭska, niedaloka ad pavarotu na ahraharadok Myškavičy, utvaryłasia čarha ź dziasiatkaŭ aŭtamabilaŭ. Darohu pierakryŭ dub, jaki pavaliŭsia z-za mocnaha vietru, piša BiełTA.

Na miescy zdareńnia pracavali darožnyja słužby i supracoŭniki DAI — jany arhanizavali prybirańnie dreva z darohi i adnaŭleńnie ruchu.

U vyniku zdareńnia adna mašyna atrymała miechaničnyja paškodžańni, ale ludzi nie paciarpieli.

Siońnia na bolšaj častcy krainy dziejničaje aranžavy ŭzrovień niebiaśpieki z-za mocnaha vietru z paryvami da 15—20 mietraŭ za siekundu. Na zaŭtra prahnazujucca karotkačasovyja daždžy, miescami mahčymyja navalnicy.

Kamientary da artykuła