Minpryrody pravieryła «Dukorski majontak» i znajšło ŭ im parušeńni
Ministerstva pryrodnych resursaŭ i achovy navakolnaha asiarodździa pravieryła ŭmovy ŭtrymańnia dzikich žyvioł u «Dukorskim majontku» ŭ Puchavickim rajonie paśla taho, jak u internecie źjavilisia videa z abvinavačańniami ŭ nienaležnym dohladzie. Hetyja materyjały vyklikali šyroki rezanans i krytyku ŭ bok kompleksu.
Fota: Minpryrody
Padčas pravierki śpiecyjalisty acanili, ci jość va ŭstanovy nieabchodnyja dakumienty na žyvioł, ci vykonvajucca praviły ich utrymańnia i ci zakonna jany znachodziacca na terytoryi majontka.
U vyniku byli vyjaŭlenyja parušeńni zakanadaŭstva, u pryvatnaści, źviazanyja z rehistracyjaj dzikich žyvioł u niavoli. Pa hetym fakcie ŭžo raspačaty administracyjny praces.
U toj ža čas adznačajecca, što niepasrednyja ŭmovy ŭtrymańnia žyvioł adpaviadajuć patrabavańniam.
Taksama praciahvajecca pravierka zakonnaści vałodańnia žyviołami — zapytanyja adpaviednyja dakumienty, paśla čaho budzie dadziena jurydyčnaja acenka.
Akramia hetaha, znojdzienyja i inšyja parušeńni, źviazanyja z abychodžańniem z adkidami. Razhladajecca mahčymaść pryciahnieńnia vinavatych da adkaznaści.
Čytajcie taksama:
U «Dukorskim majontku» patłumačyli, čamu ŭ ichnim zaasadzie nie ŭsie žyvioły vyhladajuć pryvabna
Biełarusaŭ šakavaŭ stan žyvioł u «Dukorskim majontku»: «Heta kancłahier!» Śpiecyjalisty supakojvajuć