Мінпрыроды праверыла «Дукорскі маёнтак» і знайшло ў ім парушэнні
Міністэрства прыродных рэсурсаў і аховы навакольнага асяроддзя праверыла ўмовы ўтрымання дзікіх жывёл у «Дукорскім маёнтку» ў Пухавіцкім раёне пасля таго, як у інтэрнэце з’явіліся відэа з абвінавачаннямі ў неналежным доглядзе. Гэтыя матэрыялы выклікалі шырокі рэзананс і крытыку ў бок комплексу.
Фота: Мінпрыроды
Падчас праверкі спецыялісты ацанілі, ці ёсць ва ўстановы неабходныя дакументы на жывёл, ці выконваюцца правілы іх утрымання і ці законна яны знаходзяцца на тэрыторыі маёнтка.
У выніку былі выяўленыя парушэнні заканадаўства, у прыватнасці, звязаныя з рэгістрацыяй дзікіх жывёл у няволі. Па гэтым факце ўжо распачаты адміністрацыйны працэс.
У той жа час адзначаецца, што непасрэдныя ўмовы ўтрымання жывёл адпавядаюць патрабаванням.
Таксама працягваецца праверка законнасці валодання жывёламі — запытаныя адпаведныя дакументы, пасля чаго будзе дадзена юрыдычная ацэнка.
Акрамя гэтага, знойдзеныя і іншыя парушэнні, звязаныя з абыходжаннем з адкідамі. Разглядаецца магчымасць прыцягнення вінаватых да адказнасці.
Чытайце таксама:
У «Дукорскім маёнтку» патлумачылі, чаму ў іхнім заасадзе не ўсе жывёлы выглядаюць прывабна
Беларусаў шакаваў стан жывёл у «Дукорскім маёнтку»: «Гэта канцлагер!» Спецыялісты супакойваюць