Z-za škvalistaha vietru biez elektryčnaści zastavalisia bolš za paŭtysiačy nasielenych punktaŭ
Mocnaja niepahadź 27 maja stała pryčynaj masavych zbojaŭ u elektrazabieśpiačeńni ŭ Biełarusi. Pavodle infarmacyi «Biełenierha», prablemy zafiksavanyja bolš čym u 500 nasielenych punktach.
Skrynšot ź videa
Asnoŭnaja pryčyna — mocny viecier i padzieńnie dreŭ na linii elektrapieradačy, što pryviało da abryvaŭ pravadoŭ.
Najbolš składanaja situacyja skłałasia ŭ Viciebskaj i Minskaj abłaściach. Dla likvidacyi nastupstvaŭ zadziejničanyja avaryjnyja bryhady i śpiectechnika, a taksama pry nieabchodnaści dadatkovyja resursy. Pa danych na 20:00 adnaŭlenčyja raboty praciahvajucca ŭ 259 nasielenych punktach.
Usiaho ŭ adnaŭlenčych rabotach pracujuć dziasiatki bryhad. U «Biełenierha» stvorany apieratyŭny štab, jaki kaardynuje raboty i kantraluje situacyju.
Enierhietyki pracujuć va ŭzmocnienym režymie i imknucca jak maha chutčej adnavić elektrazabieśpiačeńnie va ŭsich paciarpiełych nasielenych punktach.
Čytajcie taksama:
U MNS raskazali, što natvaryła niepahadź pa ŭsioj Biełarusi
U Minskaj vobłaści abiastočanyja bolš za 200 nasielenych punktaŭ
Pamiž Babrujskam i Mahilovam na trasu ŭpaŭ dub i zabłakavaŭ uvieś ruch