U Minsku pačali budavać pieršy abjekt treciaj kalcavoj darohi

26 maja śpiecyjalisty pačali mantaž pralotnych kanstrukcyj novaha puciepravoda «Kaleśnikava — Ratamskaja». Jon złučyć mikrarajony Kamiennaja Horka i Lebiadziny, a taksama Frunzienski i Centralny rajony, prachodziačy ad vulicy Kaleśnikava da vulicy Cimirazieva, paviedamlaje telekanał «Pieršy infarmacyjny». Heta budzie pieršy abjekt u arhanizacyi treciaha haradskoha kolca.

Fota: news.by

Usiaho prajekt praduhledžvaje 13 pralotaŭ: bolšaść ź ich budzie daŭžynioj kala 33 mietraŭ, a adzin — karaciejšy. Ahulnaja daŭžynia puciepravoda składzie prykładna 282 mietry. Raboty ŭžo iduć u intensiŭnym režymie, u tym liku i kruhłasutačna. U najbližejšyja miesiacy płanujuć ustalavać asnoŭnuju častku pralotaŭ, paśla čaho buduć układać asnovu i asfaltabietonnaje pakryćcio.

Fota: news.by

Paśla zaviaršeńnia hetaha abjekta budaŭniki voźmucca za novyja prajekty: puciepravod pamiž Łošycaj i Sierabrankaj, a taksama most, jaki złučyć Kurasoŭščynu i Malinaŭku. U pierśpiektyvie płanujecca i dalejšaje raźvićcio darožnaj sietki z novymi ŭčastkami i złučeńniami pamiž rajonami.

Hałoŭnaja meta hetych rabot — razhruzić Minskuju kalcavuju aŭtadarohu, źnizić kolkaść zatoraŭ i avaryjnych situacyj, asabliva ŭ hadziny pik, i zrabić ruch u horadzie bolš zručnym.

Kamientary da artykuła