Adzin z haradoŭ-spadarožnikaŭ Minska — Fanipal — u najbližejšyja hady čakaje maštabnaje pašyreńnie. Pavodle płanaŭ uładaŭ, da 2035 hoda nasielnictva horada moža vyraści z prykładna 19 tysiač da 29 tysiač čałaviek, piša Fanipol.by.
Ułady rychtujuć budaŭnictva novaha žyłoha rajona na terytoryi bolš za 200 hiektaraŭ.
Apošnija hady horad užo aktyŭna zabudoŭvaŭsia, asabliva ŭzdoŭž vulicy Zialonaj, ale ciapier mahčymaści dla rostu ŭ hetym kirunku praktyčna vyčarpanyja. Fanipal abmiežavany aŭtatrasaj, čyhunkaj, pramysłovymi zonami i radoviščami karysnych vykapniaŭ, tamu novaje raźvićcio zapłanavana na poŭdzień — u bok najbližejšych viosak.
Na miescy paloŭ i pustych terytoryj płanujuć stvaryć paŭnavartasny haradski kvartał. Tam źjavicca šmatkvaternaje žyllo prykładna na 2400 kvater, a taksama kala 300 učastkaŭ dla indyvidualnaj zabudovy. Razam z žyllom praduhledžana raźvićcio infrastruktury: škoła bolš čym na tysiaču vučniaŭ, dva dziciačyja sady, handlovyja abjekty, rynak, hatel, biznes-centr, ustanovy charčavańnia, spartyŭnyja i zabaŭlalnyja abjekty, uklučajučy boŭlinh i SPA.
Taksama ŭ rajonie pavinny źjavicca bank, pošta i servisy prakatu.
Adnak asnoŭnaj prablemaj zastajecca transpart. Častka novaha rajona budzie znachodzicca za čyhunkaj, i tam moža žyć da traciny nasielnictva horada. Zaraz suviaź z hetaj terytoryjaj faktyčna abmiežavanaja adnym pierajezdam, dzie ŭžo ŭźnikajuć zatory. Dla palapšeńnia situacyi płanujuć pabudavać padziemny tunel, ale śpiecyjalisty sumniavajucca, što hetaha budzie dastatkova.
Budaŭnictva raźličana na dva etapy — da 2030 i da 2035 hoda, ale dakładnyja terminy pačatku rabot pakul nie vyznačanyja.
Dla kaho sabralisia budavać vielizarny vantavy most u Minsku?
Kala čverci kvater, kuplenych letaś, minčuki nabyli ŭ pryharadzie
Paśla padaražańnia prajezdu maršrutka ŭ aeraport Minsk kaštuje ŭ dva razy tańniej, čym aŭtobus. Jak takoje atrymałasia?
Płanujecca zapuścić elektrobusy ŭ harady-spadarožniki
Asnoŭnyja vyjezdy ź Minska zrobiać z cemientna-bietonnym pakryćciom
Ciapier čytajuć
31‑hadovy rasijanin akruciŭ 17‑hadovuju biełarusku. Finał historyi strašny: turma za narkotyki, śmierć dziciaci, «SVA» i skradzienyja hrabavyja13
Kamientary