Dla biełaruskich školnikaŭ uviaduć fakultatyŭ pa štučnym intelekcie
U Biełarusi źjavicca novy fakultatyŭ dla školnikaŭ — «Prykładnyja technałohii štučnaha intelektu». Ministerstva adukacyi zaćvierdziła prahramu dla vučniaŭ 8—11 kłasaŭ. Jana pačnie dziejničać u ramkach fakultatyŭnych zaniatkaŭ u 2026/2027 navučalnym hodzie.
Zdymak ilustracyjny. Fota: magnific.com
Padčas zaniatkaŭ na fakultatyvie školniki majuć paznajomicca z asnovami pracy sučasnych sistem štučnaha intelektu i hienieratyŭnych madelaŭ. Ich navučać pravilna farmulavać zapyty dla tekstavych i hrafičnych niejrasietak, a taksama vykarystoŭvać ŠI dla analizu danych, stvareńnia kantentu i apracoŭki infarmacyi.
Asobnaja ŭvaha budzie nadadziena tamu, jak prymianiać ŠI jak dapamožny instrumient u navučańni — naprykład, jak piersanalnaha «nastaŭnika» pa roznych školnych pradmietach.
Taksama ŭ prahramu ŭklučanyja pytańni etyki i biaśpieki: školnikam rastłumačać, jak adkazna i pravilna karystacca technałohijami štučnaha intelektu.
Čytajcie taksama:
Padčas CE z aŭdytoryi vydalili 9 čałaviek
U Biełarusi płanujuć pastrožyć patrabavańni da repietytaraŭ
Stvaryli dziaržaŭnuju kamisiju dla pierapisvańnia padručnikaŭ pa humanitarnych pradmietach
Ci mohuć staršakłaśniki admovicca ad vučebna-palavych zboraŭ?