ES vyznačyŭ datu pačatku pieramoŭ ab dałučeńni Ukrainy
16 červienia ES moža aficyjna zapuścić pieršy etap pieramoŭ pra ŭstupleńnie Ukrainy.
Jeŭrakamisija vyznačyła hrafik i płanuje prapanavać adkryćcio pieršaha kłastara pieramoŭ 16 červienia na sustrečy jeŭrapiejskich ministraŭ u Brusieli.
Havorka idzie pra start samaha važnaha błoka, jaki tyčycca bazavych demakratyčnych, ekanamičnych dy instytucyjnych reformaŭ. Astatnija kirunki pieramoŭ dla Ukrainy i Małdovy źbirajucca zapuskać užo ŭ lipieni. Čakajecca, što astatnija pieramoŭnyja kłastary dla Ukrainy i Małdovy adkryjucca ŭ lipieni.
Raniej hety praces hadami tarmaziŭ Viktar Orban. Adnak premjer-ministr Vienhryi Pieter Madźjar zaniaŭ bolš hnutkuju pazicyju. Budapiešt ciapier hatovy da kampramisaŭ u abmien na razbłakavańnie zamarožanych jeŭrapiejskich fondaŭ.
Dla zaćviardžeńnia kožnaha etapu patrebna adnahałosnaja padtrymka ŭsich 27 krain — udzielnic sajuza. Pry hetym Kijeŭ užo zajaviŭ, što technična hatovy da pracy i raźličvaje tolki na paŭnapraŭnaje siabroŭstva, adkidajučy lubyja hibrydnyja farmaty i alternatyŭnyja madeli intehracyi.