Machlary prymusili minčuka napisać zajavu ab nierazhałošvańni
35‑hadovamu mužčynu pazvanili afierysty i skazali, što nibyta jaho asabisty kabiniet u internet-bankinhu ŭzłamany, i ciapier ad jaho imia ažyćciaŭlajecca finansavańnie terarystaŭ.
Minčuk pavieryŭ, napisaŭ zajavu ab nierazhałošvańni infarmacyi i pahadziŭsia vykonvać zadańni kurataraŭ, kab dakazać svaju nievinavataść.
Jon čatyry razy sustrakaŭsia ź nieznajomymi ludźmi i zabiraŭ u ich pakiety z hrašyma. Paśla hetaha vyvoziŭ hatoŭki za miažu i pieradavaŭ tam nieznajomaj dziaŭčynie.
U adnym z vypadkaŭ hrošy jamu pieradali maci-piensijanierka i jaje dačka, jakija pavieryli ŭ zamienu damafona i nazvali kod z SMS-paviedamleńnia. Jany addali dla niesapraŭdnaha dekłaravańnia bolš za 30 tysiač rubloŭ.
Apošnim razam minčuk zabraŭ 6 tysiač dalaraŭ u 44‑hadovaha rabočaha, jaki staŭ achviaraj padmanu ad imia «Enierhazbytu».
Mužčynu zatrymali.