Łaŭreatam «Hlinianaha Vialesa» sioleta staŭ Maks Ščur
Maks Ščur, biełaruski paet, jaki žyvie ŭ Čechii, atrymaŭ premiju za knihu vybranaj postapaezii «Čajny zbor», paviedamlaje Radyjo Racyja.
Maks Ščur, fota Radyjo Racyja
U šort-śpisie byli: dva ramany, adzin zbornik apaviadańniaŭ, adna kniha pjes, adna reparciorskaja i adna eseistyčnaja kniha; a taksama try knihi paezii. Možna skazać, šort litpremii sabraŭ praktyčna ŭsie asnoŭnyja žanry litaratury.
Hliniany Viales — štohadovaja litaraturnaja premija, zasnavanaja ŭ 1993 hodzie členami Tavarystva Volnych Litarataraŭ. Staršynia arhanizacyjnaha kamiteta Aleś Arkuš. Prysudžajecca za najlepšuju mastackuju biełaruskamoŭnuju knihu hoda.
Łaŭreat atrymlivaje simvaličnuju ŭznaharodu — hliniany stod apiekuna mastactva. Stać łaŭreatam premii možna tolki adnojčy.
Premija ŭručajecca ŭ mai.