Prostuju žančynu z Hrodna buduć sudzić za palityku pa dzieviaci kryminalnych artykułach
Valancinu Navumavu ŭžo amal dzieviać miesiacaŭ trymajuć za kratami.
Jak stała viadoma «Haradzienskaj Pravaabaronie», kančatkova palitźniavolenaj vystavili abvinavačvańnie pavodle dzieviaci artykułaŭ Kryminalnaha kodeksa, u tym liku ŭ «sadziejničańni ekstremisckaj dziejnaści» i «raspalvańni inšaj sacyjalnaj varožaści».
Valancina Navumava doŭhi čas była siabram partyi levych «Spraviadlivy śviet». U 2017 hodzie jana była aštrafavanaja na 15 bazavych adzinak pa administracyjnaj spravie za ŭdzieł u akcyi «niedarmajedaŭ».
Žančynu zatrymali 5 vieraśnia 2025 hoda i źmiaścili ŭ turmu №1 u Hrodnie. Spačatku ŭ spravie fihuravaŭ č. 2 art. 367 (paklop na Łukašenku).
Ale 27 lutaha 2026 hoda byli vystaŭlenyja novyja abvinavačvańni pavodle artykułaŭ Kryminalnaha kodeksu: č. 1 art. 16 (saŭdzieł u złačynstvie) č. 3 art. 130 (raspalvańnie inšaj sacyjalnaj varožaści), č. 1 i 2 art. 361-4 (sadziejničańnie ekstremisckaj dziejnaści). Ciapier stała viadoma, što jak taksama abvinavačvajuć pavodle č. 1 art. 130 KK, art. 188 (paklop), č. 3 art. 203‑1 (parušeńnie tajny pierapiski, telefonnych pieramoŭ), č. 1 art. 368 KK (abraza Łukašenki), art. 369 KK(abraza pradstaŭnika ŭłady), art. 370 KK (ździek ź dziaržaŭnych simvałaŭ), art. 391 KK (abraza sudździ).