Minčuk patraciŭ hrošy niaviesty i vyrašyŭ adsiedziecca ŭ čystym poli
38‑hadovy mužčyna kala hoda žyŭ razam sa svajoj dziaŭčynaj, para płanavała viasielle. Ale ŭ adzin momant dziaŭčyna pačała zaŭvažać, što aščadak kudyści źnikaje.
Spačatku z kvatery źnikli $100 i 400 rubloŭ, a potym z bankaŭskaj karty było śpisana bolš za 7500 rubloŭ. Minčanka daviarała svajmu partnioru — davała jamu svoj telefon, jon viedaŭ usie jaje paroli, u tym liku dla dostupu da bankaŭskaha dadatku.
Dziaŭčyna stała padazravać svajho chłopca ŭ tym, što źniknieńnie hrošaj źviazana ź im — jon usio admaŭlaŭ, a potym źnik. Tady dziaŭčyna źviarnułasia ŭ milicyju. Mužčynu zatrymali ŭ poli, dzie jon chavaŭsia pierad sprobaj pakinuć krainu.
Mužčyna pryznaŭsia, što prajhraŭ źbieražeńni svajoj dziaŭčyny, i jamu praz heta soramna. Zaviedzienaja kryminalnaja sprava.