Łatvija pačała ŭstanaŭlivać «zuby drakona» kala miažy z Rasijaj
Dla hetaha ŭ žycharoŭ daviałosia kanfiskoŭvać terytoryi.
Fota: Mieduza
Nacyjanalnyja ŭzbrojenyja siły Łatvii ŭ mai pačali raźmiaščać kala miažy z Rasijaj pieršyja abarončyja zaharody — tak zvanyja «zuby drakona», piša «Mieduza».
Zakon ab stvareńni abaronnaj infrastruktury byŭ pryniaty łatvijskim Siejmam u kastryčniku 2025 hoda. Adnak kala pałovy terytoryj, jakija płanavałasia ŭmacavać, znachodzilisia ŭ pryvatnaj ułasnaści. Dla ŭstanoŭki zaharod ziamielnyja ŭčastki daviałosia kanfiskoŭvać, a ŭłaśnikam paabiacali kampiensacyju.
«Pakul zakon ab stvareńni supraćmabilnaj infrastruktury nie byŭ pryniaty, u nas isnavali abmiežavańni. My nie mahli prosta pryjści i pačać raźmiaščać takija zaharody na terytoryjach hramadzianskaha siektara. Ciapier hetaja prablema vyrašana», — skazaŭ pradstaŭnik sił abarony Andrys Ryjeksts.