Chakiejnuju zbornuju Biełarusi pakul nie viarnuli na mižnarodnyja spabornictvy
Nie viarnuli i moładzievuju mužčynskuju zbornuju.
Mužčynskaja i moładzievaja zbornyja Biełarusi nie zhulajuć u nastupnym hodzie na čempijanatach śvietu, takoje rašeńnie było pryniata siońnia na kanhresie Mižnarodnaj fiederacyi chakieju, piša «Chakiejnaja ekzotyka».
Siońnia dyscyplinarny saviet Mižnarodnaj fiederacyi chakieja na lodzie anulavaŭ rašeńnie Savieta IICHF ab niadopusku zbornych Rasii i Biełarusi da spabornictvaŭ siezona-2026/27.
Tak, junijorskuju chłapiečuju zbornuju Biełarusi (uzrost hulcoŭ da 18 hadoŭ) dapuścili na čempijanat śvietu ŭ nastupnym hodzie. Taksama buduć zasnavanyja žanočyja nacyjanalnaja i moładzievaja zbornyja.
Biełaruskija chakieisty znachodzilisia ŭ chakiejnym banie razam z rasijskim chakiejem z pačatkam poŭnamaštabnaj vajny suprać Ukrainy ź lutaha 2022 hoda. Naprykład, «darosłyja» chakieisty prapuścili piać čempijanataŭ śvietu, a taksama kvalifikacyju na Alimpijadu-2026.
Padčas ČS-2021 nacyjanalnaja chakiejnaja zbornaja zaniała apošniaje miesca ŭ svajoj hrupie i pavinna była vylecieć u pieršy dyvizijon. Moładzievaja zbornaja, naadvarot, u śniežni 2021 hoda vyjhrała turnir u pieršym dyvizijonie i na nastupny hod pavinna była hulać u elicie.