Zbornaja Biełarusi syhraje na junijorskim (uzrost da 18 hadoŭ) čempijanacie śvietu pa chakiei ŭ nastupnym hodzie, paviedamlaje telehram-kanał «Chakiejnaja ekzotyka».
Turnir projdzie ŭ ZŠA z 22 krasavika da 2 maja
Jak bačna, biełarusy zhulajuć u adnoj hrupie sa Słavakijaj, Čechijaj, Kanadaj i Finlandyjaj.
Biełaruskija chakieisty znachodziacca ŭ chakiejnym banie razam z rasijskim chakiejem z pačatkam poŭnamaštabnaj vajny suprać Ukrainy ź lutaha 2022 hoda. Naprykład, «darosłyja» chakieisty prapuścili piać čempijanataŭ śvietu, a taksama kvalifikacyju na Alimpijadu-2026.
Junijory apošni raz na ČS taksama hulali ŭ 2021 hodzie i tady zaniali ŭ hrupie treciaje miesca.
Pazaŭčora, chakiejny insajdar Artur Chajrulin napisaŭ, što najbližejšymi dniami ź biełaruskaha chakieja moža być źniaty ban, i zbornyja buduć viernutyja na spartovyja spabornictvy.
Taksama siońnia ministr sportu Rasii Michaił Dziehciaroŭ paviedamiŭ, što Dyscyplinarny saviet Mižnarodnaj fiederacyi chakieja na lodzie anulavaŭ rašeńnie Savieta IICHF ab niadopusku zbornych Rasii i Biełarusi da spabornictvaŭ siezona-2026/27. Mahčyma, rašeńnie budzie tyčycca i moładzievaj i nacyjanalnaj zbornaj.
Kamientary