U minskija kramy zavieźli śviežaje žažaba
Našeście niezvyčajnych zamorskich praduktaŭ u staličnych supiermarkietach praciahvajecca. Hetym razam płady prybyli prosta z Vjetnama. Vydańnie Tochka.by raskazvaje, kolki kaštuje navinka i jakaja jana na smak.
Fota: Tochka.by
U hipiermarkietach Minska ŭ kancy maja — rajskaje bahaćcie trapičnych fruktaŭ i roznych pładoŭ.
Hetym razam dla amataraŭ ekzotyki zavieźli śviežaje žažaba.
Kaštuje jano 15,99 rubla za ŭpakoŭku 500 h (31,98 rubla za 1 kh), a pryvieźli pradukt z Vjetnama. Pradajecca jano mienavita ŭ fasavanym vyhladzie, kupić adnu štučku na sprobu nie atrymajecca.
Žažaba — heta kust, jaki raście ŭ asnoŭnym u pustynnych i paŭpustynnych rehijonach Paŭnočnaj Amieryki, asabliva ŭ Mieksicy i paŭdniova-zachodnich štatach ZŠA, a taksama ŭ Kitai i Paŭdniova-Uschodniaj Azii. Jaho nasieńnie źmiaščaje alej, jaki maje mnostva prymianieńniaŭ.
Žažaba vykarystoŭvajecca ŭ kaśmietyčnych praduktach i srodkach dla dohladu dziakujučy svaim uvilhatniajučym i pažyŭnym ułaścivaściam. Akramia taho — u farmaceŭtyčnaj pramysłovaści i vytvorčaści zmazačnych materyjałaŭ.
Płady žažaba ŭjaŭlajuć saboj nievialikaje nasieńnie, jakoje maje ćviorduju abałonku.
Śviežyja płady pa tekstury i smaku nahadvajuć chrumstki sałodki jabłyk ź lohkaj kiślinkaj. Vialenyja abo sušanyja jany vielmi sałodkija i pa smaku padobnyja da kłasičnaha finika.
U cełym u žažaba bolš cenicca alej, čym sami płady, ale zaŭsiody znojducca amatary ekzotyki.
Čytajcie taksama:
U kramy Minska zavieźli trapičnuju zornuju sadavinu
Jość prosty sakret, kab banany zachoŭvalisia daŭžej
«Nie bačyła nivodnaha smažanaha sabaki». Biełaruska raskazała, jak adpačyła ŭ Vjetnamie
U kramy Minska zavieźli biełaruskija kłubnicy — ale ceny šalonyja