Šviecyja zajaviła pra chutkuju pieradaču Ukrainie źniščalnikaŭ Gripen
Šviecyja aficyjna paćvierdziła, što pieradaść Ukrainie pieršyja 16 źniščalnikaŭ Gripen. Pra heta paviedamiŭ premjer-ministr krainy Ulf Krystersan padčas sustrečy z prezidentam Ukrainy Uładzimiram Zialenskim.
Zdymak ilustracyjny. Fota: Wikimedia Commons
Havorka idzie pra samaloty madelaŭ JAS 39 Gripen C/D. Pastaŭki płanujecca pačać u pačatku 2027 hoda.
Pavodle słoŭ šviedskaha boku, hetyja samaloty pavinny ŭmacavać supraćpavietranuju abaronu Ukrainy i pavysić biaśpieku ŭsiaho jeŭrapiejskaha rehijona. Ukrainskija piłoty ŭžo mieli mahčymaść vyprabavać Gripen, i, jak adznačajecca, aceńvajuć ich vielmi vysoka.
Zialenski padkreśliŭ, što źniščalniki dapamohuć efiektyŭna zmahacca z kiravanymi avijabombami, bo buduć pastaŭlacca razam z adpaviednym uzbrajeńniem.
Akramia taho, baki abmiarkoŭvajuć bolš šyrokaje supracoŭnictva. Raniej išła havorka pra mahčymuju pastaŭku značna bolšaj kolkaści takich samalotaŭ u budučyni, a taksama pra stvareńnie ŭkrainskaj vytvorčaści dla ich zborki.
Čytajcie taksama:
«Kali Pucin pojdzie na Narvu, my pojdziem na vajnu» — ministr abarony Šviecyi
«Voziera NATA». Jak Zachad pieramoh Rasiju ŭ Bałtyjskim mory biez adzinaha strełu