Швецыя заявіла пра хуткую перадачу Украіне знішчальнікаў Gripen
Швецыя афіцыйна пацвердзіла, што перадасць Украіне першыя 16 знішчальнікаў Gripen. Пра гэта паведаміў прэм’ер-міністр краіны Ульф Крыстэрсан падчас сустрэчы з прэзідэнтам Украіны Уладзімірам Зяленскім.
Здымак ілюстрацыйны. Фота: Wikimedia Commons
Гаворка ідзе пра самалёты мадэляў JAS 39 Gripen C/D. Пастаўкі плануецца пачаць у пачатку 2027 года.
Паводле слоў шведскага боку, гэтыя самалёты павінны ўмацаваць супрацьпаветраную абарону Украіны і павысіць бяспеку ўсяго еўрапейскага рэгіёна. Украінскія пілоты ўжо мелі магчымасць выпрабаваць Gripen, і, як адзначаецца, ацэньваюць іх вельмі высока.
Зяленскі падкрэсліў, што знішчальнікі дапамогуць эфектыўна змагацца з кіраванымі авіябомбамі, бо будуць пастаўляцца разам з адпаведным узбраеннем.
Акрамя таго, бакі абмяркоўваюць больш шырокае супрацоўніцтва. Раней ішла гаворка пра магчымую пастаўку значна большай колькасці такіх самалётаў у будучыні, а таксама пра стварэнне ўкраінскай вытворчасці для іх зборкі.
Чытайце таксама:
«Калі Пуцін пойдзе на Нарву, мы пойдзем на вайну» — міністр абароны Швецыі
«Возера НАТА». Як Захад перамог Расію ў Балтыйскім моры без адзінага стрэлу
«Дзе яшчэ ў Еўропе мы можам знайсці 110 брыгад?» Швецыя падтрымлівае ўступленне Украіны ў НАТА